Ghum Na Hua

Tu bewafa nikla is baat ka hume ghum na hua,
Pyar ka khhumaan utra is baat ka bhi hume ghum na hua…
Takleef to is baat ki reh gayi,
Mere ishq se bhi tujhe wafa ka sabak na hua…

Read Complete Poem/Kavya Here Ghum Na Hua

Tum Aise Hi The

Saath dene ka waada kar,
Khud hi chhod diay mujhe..
Sametne ka waada kar,
Khud hi bikher diya mujhe..
Aise to tum nahin the,
Ye to tum nahin the…
Ya tum aise hi the!!
Kya tum sach mein aise hi the???

Read Complete Poem/Kavya Here Tum Aise Hi The

Banjaare

Banjaron ke khafile se bichde banjaare hai hum,
Takdeer ke hathyaro se ghayal hai hum.
Fir bhi..
Fir bhi kya kahen…
Do boond ishq ke khayal hai hum…

Read Complete Poem/Kavya Here Banjaare

Apna Ek Jahaan Mangti He

Is thaki si jaan ka kya karu?
Kabhi ye uljhe se ehsaaso ki daastan mangti he..
Kabhi ye aashiq ke baahon ka sukoon mangti he..
Tanhaiyo ke samunder mein kho jana chahti he ye,
Apni khwahisho ke liye ek aasman mangti he..
Ye thaki si jaan is berehem zamaane mein apna ek jahaan mangti he..

Read Complete Poem/Kavya Here Apna Ek Jahaan Mangti He

Apne Wajood Se

Teri har takleef pe aansu humare nikalte hai,
Tere har dard pe aanhen hum bharte hai.
Na koi ghum ho tujhe ab aage kabhi,
Apne wajood se ummed hum yahi karte hai..

Read Complete Poem/Kavya Here Apne Wajood Se

Azaad He Har Dil

Humne na kaed kiya he kisi dil ko,
Na kar sakenge ab..
Azaad he har dil ud jane ko,
Na he is mod pe kuch bhi ab,
Kisi pe lutane ko…..

Read Complete Poem/Kavya Here Azaad He Har Dil

Kabhi Naa

Zindagi ki safar mein,
Kabhi girti, kabhi roti, kabhi utthti, kabhi sambhalti..
Zindagi ki paheliyo ne uljha diya he mujhe,
Zindagi ki atkalo ne bhatka diya he mujhe..
Rote.. Girte.. Utthte.. Sambhalte..
Kitna kuch sikha diya he mujhe!!!
Us mod per jab ek aandhi si aayi,
Fir sab shant hua to socha,
Zara dhundhu kya he khoya..
Jab dekha jab parkha, to paya ki..
Bas khudko he khoya..
Is tuti dagar mein koi aas na bachi he,
Is luti zindagi mein ab koi saans na bachi he..
Zindagi ke safar mein…
Bas girti,
Bas roti,
Utthti par kabhi na sambhalti..
Kabhi Naa!! Kabhi Naa!!

Read Complete Poem/Kavya Here Kabhi Naa

Ishq Ke Charche

Tere ishq ke charche aaj bhi sareaam hai,
Aur tere bewafai ke kisse ab bhi gumnaam hai..
Jo jaan jate log mere wafaa pe teri ruswai ka aalaam,
To na hote yun badnaam jaise hai aaj hum..

Read Complete Poem/Kavya Here Ishq Ke Charche

Aaram Chahie

Gehrayi he raat toh
Hui he mehki hawaao ki mohtaaz..
Adhuri khwahisho ne li hai karwatein toh
Tute sapno ko hui aahatein…
Sehmi si ruh ne puchha bechare dil se tab –
Kahan gum hai teri muskurahate??
Dil to pareshan hai sabki aarzu sunkar…
Aankho ko deedar chahie,
Kadmo ko saathh chahie.
Haatho ko garm ehsaas chahie,
To laabo ko pyar ki saugat chahie..
Koi na puche us dil se..
Jise apne dard ke liye aaram chahie..

Read Complete Poem/Kavya Here Aaram Chahie

Ek Dard Aisa Bhi

Na pata tha hume ki is dil ko yun tod diya jaega,
Na ehsaas tha ki bekaar samaan ki tarah hume bhi samjha jaega..
Jo zara si bhanak hoti hume toh,
Na bhatakte us mehfil mein…
Na gujarte un galiyon se…
Jo pata hota ki ek dard aisa bhi mil jaega…

Read Complete Poem/Kavya Here Ek Dard Aisa Bhi

Gale Lag Jao

Aa jao paas gale lag jao,
Aa jao paas gale lag jao.
Ki chuu le tere labon ko aise lamhe mein,
Tanha zindagani ko bhar jao.
Dard itna he is dil mein ki bayan na kar paun,
Hume chuu ke ise padh jao.
Hai jum gaye hum barf ki tarah,
Apne ehsaas se hume pighla jao..
Aa jao paas gale lag jao….

Read Complete Poem/Kavya Here Gale Lag Jao

He Mar Chuka Dil

Na to hoti he koi takleef ab,
Na hota he dard ka ehsaas koi..
He mar chuka dil ab saare jazbaato ko lekar..
Tu pareshan na ho mere dost kyunki,
Tere fikr ka asar na ho paega ab..
Hoon tut chuki ki pehle hi itna royi..

Read Complete Poem/Kavya Here He Mar Chuka Dil

Meri Kayanaat

Saundhi si jo khusbu aayi baarish ki boondo mein, toh usne
Dhadkaye kayi ehsaas..
Ehsaaso ke is makadjaal ne,
Uljhaye mere jazbaat..
Jazbaato ne li aaj karwatein,
Toh sharmaye mere khayalat..
Usne adhro se na jane kya budbudaya,
Ek hi muskurahat mein hi simat aayi meri kayanat…

Read Complete Poem/Kavya Here Meri Kayanaat

Muskurahat Ke Saath

Dard ki dastan wo nahin jo aansuo mein bayan ho jaye,
Ye toh muskurahat ke saath ubhar aati he..
Suraj-chand ki jugalbandi mein ye toh,
Dhalti badhti hui chali jati he..
Aaram ke palon ki khwahish mein ab toh,
Kabhi dimaag toh kabhi dil ke darwaazo pe dastak dene chali aati he..
Na mila use wo sukoon fir bhi,
To taaron ko apni baat sunati he..
Lamho mein kaed kuch silvato ke saath hi,
Wo to muskurahat ke saath ubhar aati he..

Read Complete Poem/Kavya Here Muskurahat Ke Saath

Janemann

Tere pyar ka suroor aisa he janemann,
Ki isme doob ke beh jana chahte hai hum…
Dard-e-judaai ka aalam aisa he janemann,
Ki ab bas teri baaho mein tut jana chahte hai hum..
Dil ki ruh se bas ye he iltejah ab ki,
Ja ke mil jaye wo apne aashiq se ab,
Dastoor-e-mohabbat ka asar ho aisa,
Ki ban jaye apne janemann ki janemann hum..

Read Complete Poem/Kavya Here Janemann

Aitbaar Na Karna

Tarsi nigaaho ka aitbaar na karna,
Ye behkati hai.
Uljhe jazbaato pe aitbaar na karna,
Ye jaal bunkar fasate hai..
Dastan-e-ishq ka rumaani hona jaruri to nahin,
Teri zindagi mein meri bisaat hona koi jaruri to nahin..
Tabhi to mera dil kehta he ki teri-
Tarsi nigaaho ka aitbaar na karna,
Ye behkati hai..
Uljhe jazbaato ka aitbaar na karna,
Ye jaal bunkar fasate hai..

Read Complete Poem/Kavya Here Aitbaar Na Karna

Teri Virasaat

Apne rutbe ka na robe jhad is kadar na-samajh,
Mere ishq ki tarah ye bhi fanaa ho jaega..
Jakhm-e-bewafai jo mili he mujhe teri virasaat mein,
Yahi dard nasoor banke din-raat tujhe jalaega..

Read Complete Poem/Kavya Here Teri Virasaat

Ghadi Ki Sooiyan

Ghadi ki sooiyan intezar ginati hai,
Bheegi palke raat din jagati hai.
Adhure bikhre armaano ko samete,
Ruh khudme jalti hui fanaa ho jati he..
Najro ko talab aisi he ki,
Dil ko har pal ye jalati hai..
Intezaar ki dhoop ki tapish hi he jo ab,
‘Gul’ ko zinda rakh roj khilati he.
Ghane badalo ke saaye me rehkar bhi,
Ye apna aashiyan banati hai..
Ghadi ki sooiyan intezar ginati hai,
Bheegi palke raat din jagati hai..

Read Complete Poem/Kavya Here Ghadi Ki Sooiyan

Aankhon Ko Najaro Mein

Aankhon ko najaro mein ek kami si mehsus hoti he,
Yaadon ke panno pe nami si mehsus hoti he..
Lamhe kayi jo kaed hai deewaro pe,
Inhe dekh kyun un-kahi kahaniyan bayan hoti hai..
Dil ke gheraiyon pe na jane aaj kaise?
Kisi meherbann ki dastak hoti he..
Duriyon ke ehsaas ki khalish hi he jo,
Ab dhadkano ko har aahat pe khushi hoti he..
Sookhe phoolo ki saundhi si mehek ke saath,
‘Gul’ ki rumaani dastan shuru hoti he..
Aankhon ko najaro mein ek kami si mehsus hoti he,
Yaado ke panno pe nami si mehsus hoti he..

Read Complete Poem/Kavya Here Aankhon Ko Najaro Mein

Raaz

Aankhon se raaz na sookhe,
Tere kayi jazbaat hai jhoothe..
Dard hota agar tujhe tanhaiyo ka,
To kyun hote aaj hum roothe..
Sach ke bavandar se hua bayan,
Zindagi ke toofano ka falsafaa..
To aankhon se raaz na sookhe,
Kyunki tere kayi jazbaat hai jhoothe..
Is kafhile ke musafir jo hum,
To ab ye raaste humse poonche,
Kyun aankhon se raaz na sookhe,
Jab tere kayi jazbaat hai jhoothe…

Read Complete Poem/Kavya Here Raaz