********BETI KI SHAADI******
Badhaai Ho Badhaai
Saalo Baad Yeh Shubh Ghadi Aayi
Ghar Mein Charo Or Khushiyaa Hai Chhai
Hogi Meri Beti Ki Mehendi,Sagaai,Shaadi Aur Bidaai
Maa Hoon Iss Ladki Ki Maa
Jo Yeh Kehte Phule Na Samayi
Hui yeh “Love Marraige” Toh Kya
Rahegi Meri Bitiya khush Toh Sadaa
Jeevan Mein Na aaaye Inke kabhi Gum Ka Dhua
Bas Ishwar Se Humesha Rahegi Meri Yeh Duaa
Aaj Hai Meri Beti Ki Sagaai
Lagta Hai Kitne Jaldi Yeh Ghadi Chali Aayi
Mujh Par Hai Kayi Zimmedariyo Ka Bhaar
Khaana Peena Bhi Ho Gaya Hai Dushwaar
Samdhi Samdhan Ko Milke Ho Gaya Man Prasann
Par Na Jaane Kyun Aaj Badi Tezz Hoti Meri Dhadkan
Jaha Chehre Par Hai Khushi Ka Nakaab
Wahi Man Mein Utha Hai Kahi Gum Ka Sailaab
Sansaar Ki Yeh Kaisi Reet Chali Aayi
Jisko Nau Mahine Pet Mein Pala
Woh Aaj Ek Anguthi Se Hui Parayi
Aaj Aayi Hai Mehendi Ki Shaam
Banno Ke Haatho Par Hoga Piya Ji Ka Naam
Bhabhi Aur Saheli Karti Atkheli;Khub Use Chidhaati
Bitiya Raani Bas Sharmakar Laal Peeli Huye Jaati
Chadh Gaya Banno Par Mehendi Ka Rang
Damad Ji Ka Naam Bhi Chupke Se Ho Liya Sang
Nach Nachkar Humne Khub Dhoom Machayi
Amma Ji Ke Thumko Ne Toh DANCE FLOOR Par Aag Lagayi
Achanak Beti Ki Aankho Se Ansoo Chalak Aaya
Dekh Yeh Maine Use Samjhaya
Kaha “Betiyaan Toh Hoti Hi Hai Paraya Dhan”
Par Cheekh Cheekh Keh Raha Tha Yeh Man
Kismat Ke Yeh Usool Bhala Kaisey Hai Sahi
Jisne Mera Haath Pakad Likhna Seekha
Mehendi Ke Kuch Aksharo Se Woh Kaisi Kisi Aur Ki Hui???
Aakhir Aa Gaya Woh Din Jiska Sabko Tha Intazaar
Shaadi Ke Liye Lado Ke Papa Kharid Laaye Bazar
Charo Or Taiyaar Ho Rahe The Pakwaan
Samay Nahi Tha Ki Karoo Main Zara Sa Bhi Aaram
Idhar Ko Bhagti,Udhar Ko Bhaagti
Tabhi Aa Gayi Baraat
Hua Unka Swagat Dhol Nagado Ke Saath
Dulhe Raja Bhi Lag Rahe The Laakho Mein Ek
Dekh Unko Nikal Rahi Thi Dil Se Duaein Anek
Warmala Ka Samay Nazdeek Aaya
Bhabhiyo Dwara Maine Lado Ko Bulwaya
Dekh Use Reh Gaya Mera Muh Khula
Laga Jaisey Aaj Dharti Par chand Hai Utra
Warmala Ke Baad Aayi Shaadi ki Baari
Har Ek Pal Pad Raha Tha Mujh Par Bhari
Hasi Khushi Beet Gaye Saare Rasam
Ab Man Mein Bhara Jaa Raha Tha Gum Hi Gum
Yeh Ghadi Hai Aayi
Ek or Hai Khushi Milan Ki
Toh Doosri or Gum Bhari Judaai
Nikal Padi Aankho Se Ashra Ki Dhara
Jab Jaate Jaate Beti Ne Lipat Kar “Maa” Pukara
Kaha Beti Iss Ghar Ki Raunak Tune Khub Badhaai
Charo Or Khushiyon Ki Raushani Hai Failaayi
Ab jaa tu Naye Rishtey Kholkar Baahe Kar Rahe Hai Tera Intazaar
Karna Inhe Dil Kholke Tu Sweekar
Ab Wahi Hai Tera Ghar,Wahi Tera Basera
Udd Jaa Tu Ab Yaha Se LE Apna Pank Pankheda!!!!
–ANUPAM MISHRA
[Doston Mujhe Kuch Hi Saal Huye Hai Kavitaaye Likhtey,Toh Please Dil Khol Comment Kare Taaki Main Aur Sudhaar Kar Sakoo ]
कोई टिप्पणी नहीं:
एक टिप्पणी भेजें